नवी दिल्ली : ‘भारतीय संविधानाचे शिल्पकार, महामानव डॉ. बाबासाहेब आंबेडकरांच्या नावाचा सर्व सरकारी अभिलेखात डॉ. भीमराव रामजी आंबेडकर असा संपूर्ण नावाचा उल्लेख करण्याचा उत्तर प्रदेश सरकारने घेतलेला निर्णय स्वागतार्ह आहे,’ असे प्रतिपादन रिपब्लिकन पक्षाचे राष्ट्रीय अध्यक्ष आणि केंद्रीय सामाजिक न्याय राज्यमंत्री रामदास आठवले यांनी केले.
महामानव डॉ. बाबासाहेब आंबेडकर यांना घडविण्यात त्यांचे पिता रामजी आंबेडकर यांचे मोठे योगदान होते. त्यांच्या नावाच्या उल्लेखासह डॉ. बाबासाहेब आंबेडकरांचे संपूर्ण नाव सरकारी अभिलेखात नोंद करण्याचा उत्तर प्रदेश सरकारचा निर्णय योग्य आहे. डॉ. भीमराव रामजी आंबेडकर हे नाव आमच्यासाठी अभिमानाचे असल्याचे सांगत या निर्णयाचे स्वागत आठवले यांनी केले आहे.
